SJRIEVE IN ’T PLAT

Woróm sjrieve in dien modertaal? Logische vraog, mit veur mich ’n gans logisch antjwaord: mien eerste wäörd wore in ’t dialek en pas op sjool is dao Nederlands biejgekómme. ’t Dialek is mich mit de paplaepel ingegaeve, zit in mien ganse waeze. Nieks ten naodeile van ’t Algemein Besjaaf Nederlands, mer geit ’t euver geveul den kump biej mich al rap get in dialek d’roet. Bön ich keibliej, sjreef ich, houw ich mich oppe doem, vlook ich ’ne sjlaag: mer waal in ’t plat! Nederlands zit in mien köpke, dialek zit in mien hert en in mien blood, ómdet ich ’t mit de paplaepel höb binnegekrege, det maak ’t versjil. Sjrief ich in ’t Nederlands, den is d’r dök meer tied neudig om oet te drökke waat in mich laef. Ouch det doon ich gaer, ’n anger tak van dezelfde sjport, zal mer zègke.

Nao de dialekgedichte >>

De zanger / componist Ton Custers, heeft de muziek op mijn gedicht “Klein gelök” gezet en het gezongen. Klik hieronder  om het nummer af te spelen: